Friday, December 20, 2019

नजर

नजर नजरेला मिळेना
तिच्या मनातले कळेना...||धृ||

लहरी वाऱ्यावर लहरे
आवरेना स्वतःला
कसे सावरावे कुणी
घोर इथे या जीवाला
घोर इथे या जीवाला
तिच्या पदराला कळेना...||१||


रेखीव, वळणदार, नाजूक
घोटीव, जीवघेणे झाले
रंगलो अंतरंगी पुरता
काळीज बरबटून गेले
काळीज बरबटून गेले
तिच्या काजळास कळेना...||२||


हरवली मखमालीची
चाहूल तिची मोरपिशी
वणवणता दिन गेला
रात्र ही जाईल कशी?
चित्त कानी साकळले
चित्त कानी साकळले
तिच्या पैंजणास कळेना...||३||

- संदीप चांदणे (१०/०९/२०१८)

No comments:

Post a Comment

सुखनिद्रा

गारव्याची शाल मऊ अन स्वच्छ निरभ्र नभ निळे तृणपात्यांचा मऊ बिछाना रोज न असले सुख मिळे गंधाचा हलके शिडकावा ताटव्यातली करती कुसुमे मध्येच पिवळी...