नकळत ओढून नेतो
मिचकावत सोडून देतो
स्वतःशीच खिन्न हसतो
हा संभ्रम माझा
स्वप्नांच्या झुळूकी मनाला
तप्त पाऊलवाटा पायाला
अनवाणी चालू पाहतो
हा संभ्रम माझा
अवखळ विचारांच्या वाऱ्यात
दात-ओठांच्या माऱ्यात
क्षणासाठी मलम होतो
हा संभ्रम माझा
- संदीप चांदणे (शनिवार, २/२/२०१९)
येडे चाळे करणाऱ्यांना
हानतो आम्ही सुजस्तोवर
मित्रांना मात्र हसवतो
चाप ढिल्ले होईस्तोवर
घरचं-दारचं, बायकोचं
टेन्शन कामाचं, ऑफिसचं
विसरायला लावतो हसवून
चाप ढिल्ले होईस्तोवर
पैसा पैसा किती करणार
एकटे एकटे किती झुरणार
या हसा आमच्यासोबत
चाप ढिल्ले होईस्तोवर
- संदीप चांदणे (शनिवार, २/२/२०१९)
