Friday, July 25, 2025

आनंदोत्सव

निळापांढरा उडवीत पदर
राधा होऊन धरती नाचे
हिरवाईचा हर्षवायू
बळीराजाच्या उरात साचे

शिवारात वाऱ्याचा पिंगा
पिकांचे तालात डोलणे
थव्याथव्यांनी नभात घुमते
पक्ष्यांचेही मधुकर गाणे

दृश्य मनोहर मनी साधले
विसरून मी जगताला गेलो
आनंदोत्सव पाहून सारा
आज खरा मी भरून पावलो

- संदीप भानुदास चांदणे (शुक्रवार, २५/०७/२०२५)


No comments:

Post a Comment

बालुशाही आणि म्हैसूरपाक

कल्पना करा की तुम्हाला मिठाईच्या दुकानातून हवी तेवढी तुमची आवडती मिठाई घ्यायला सांगितली तर काय होईल? आता यात बरेच विभाग पडतील. जसे की पाकातल...