कुठली अनामिक ओढ ही
रेंगाळणाऱ्या सांजेला
दूर क्षितीजी पिवळी गुणगुण
हुरहुर लावी मनाला
शहारत्या पाठी कुरणांच्या
तिरप्या नजरा रविकिरणांच्या
शब्द न पुरवी गीताला
तळ्यातल्या रांगा बदकांच्या
दुर्लक्षित थवे पक्ष्यांचे
अन् किणकिण घंटा गायींच्या
उलगडता न उलगडणाऱ्या
घड्या हाता पायांच्या
माळावरची जलद सावली
नकळे भरभर कुठे चालली
अकस्मात ही निसर्गचित्रे
पापण्यांच्या कडांत बुडाली
रेंगाळणाऱ्या सांजेला
दूर क्षितीजी पिवळी गुणगुण
हुरहुर लावी मनाला
शहारत्या पाठी कुरणांच्या
तिरप्या नजरा रविकिरणांच्या
शब्द न पुरवी गीताला
तळ्यातल्या रांगा बदकांच्या
दुर्लक्षित थवे पक्ष्यांचे
अन् किणकिण घंटा गायींच्या
उलगडता न उलगडणाऱ्या
घड्या हाता पायांच्या
माळावरची जलद सावली
नकळे भरभर कुठे चालली
अकस्मात ही निसर्गचित्रे
पापण्यांच्या कडांत बुडाली
- संदीप भानुदास चांदणे
No comments:
Post a Comment