येशील तू, पाहशील तू
गाली खुदकन हसशील तू
वाट पाहत्या या डोळ्यांना
थेंब मोत्याचे देशील तू!
मुठीहून मोठी खेळणी
दारावरचे झुलते माकड
कितीतरी हसून-नाचून
पुन्हा-पुन्हा धरशील तू!
न कळो तुला आतुरता
न दिसो तुला भावुकता
गालावरती गोड पापी
पहिल्यासारखीच ठेवशील तू!
ना ओठी बाबा तुझ्या
ना कुठली हाक अजून
कुणासही न कळणारे
बोल चिमखडे ऐकवशील तू!
तुझ्या आठवणीने व्याकूळ
क्षणाक्षणाला आधिक हळवा
कसा दिसतो बाबा तुझा
येशील तू, पाहशील तू!
- संदीप चांदणे (13/4/14)
No comments:
Post a Comment