सफर

ये ढलान की मस्ती बता रही है,
किस कदर चोटी, चढके है आये!

लुभाती वादियां मिली राहोमें
उनसेभी कर किनारा है आये!

जाना हमने ना रूकता कोई
हम भी कभी, ना थमके है आये!


- संदीप चांदणे (27/02/14)

परतीचा प्रवास

(आग्ऱ्याहून परतीच्या वाटेवर एका हताश क्षणी शिवाजी महाराजांची देवाशी संवाद.)

आता नाही चालवत
आणि नाही सोसवत
एकेक गडी पडे, मनाला तडे
नाही देवा पाहवत

उघडयावर माझी प्रजा
उघडयावर त्यांचा राजा
कशी व्हावी भेट, कुठे दिसावी वाट,
कुठल्या कर्माची हि सजा

साद उध्वस्त मंदिरांची
हंबरत्या गायी-वासरांची
कानी ऎकू येते, कल्पनाही छळते
लुटत्या अब्रूच्या खेळांची

जीव ओवाळतो मातीवर
मराठी ह्या रक्तावर
दर्या आटवीन, नभही झुकवीन
सांगतो हे शपथेवर

वाकणार नाही कणा
हा मराठ्यांचा बाणा
आशीर्वाद मागतो, तू सारे जाणतो
आयुष्य वाहिले समरांगणा
 

पर्वतारोहण

काळा कातळ सह्याद्रीचा
जबरी त्याची धार
शूर सहांनी हसूनी केला
सारा पर्वत पार!

वारा गर्जे कड्यामधुनी
वर गारठ्याचा मार
शूर सहांनी हसूनी सोसला
काळोखाचाही भार!

नसलेल्या वाटा तुडवून
सोडला पाउलखुणांचा सार
शूर सहांनी हसूनी कोरला
इतिहासात तो वार!

- संदीप चांदणे (1/2/2014)