पहाटेचा चंद्र

आज पहाटेशी मला

चंद्र दिसला तोऱ्यात

जणू तीट अंधाराला

कुणी लावला नभात

गोलाकार अति काया

रूप चंदेरी साजिरे

साऱ्या तारामंडळाला

फिके फिके करणारे

नभी नवल पाहिले

खळखळून हसताना

त्याचे रात्रीचे आयुष्य

भरभरून जगताना

- संदीप चांदणे (शुक्रवार, १८/०३/२०२२)

मनूचे श्लोक

मनू तू सदा हासतच रहावे|

रडू कसले ते कधी न पहावे||

आवडे तुला जे नित्यनेमी करावे|

नवनवे करोनि आम्हां दाखवावे||

सकाळी योगा करायचाय म्हणावे|

परि सकाळी न कधीही उठावे||

खाताना हे नको ते नको नसावे|

बकाबका तरीही कधी न चरावे||

कामात आपुल्या मग्न होऊनि जावे|

कुणासही तू न कधी दुखवावे||

बाबाला खात्री तुझ्या आहे यशाची|

तुझ्या पायाशी सुखाने लोळण घ्यावे||

- मनूचा बाबा