पहाटेच्या भलत्या समयी
घडले काही विपरीत नक्की
पाहून शंका मनात येई
चौर्यकर्म का असेल घडले?
का, अजून व्हावयाचे आहे?
मनात येई, तडकाफडकी
धीटपणाने पाहून यावे
पुन्हा वाटे मनास दुसऱ्या
लटके तिथे जाऊन पहावे
चोर चोर हाका घुमाव्या
नसते बालंट अंगी यावे
नाहीतर ब्याद भलती असावी
कुणास ना सांगण्याजोगी
बोलताच पसरेल असे की
लोण्याची माया विस्तवाअंगी
जळोच ते दार किरमिजी
सताड जे उघडे आहे
कशास जाऊ त्या गावा
विनाकारण परीक्षा पाहे
- संदीप भानुदास चांदणे (गुरूवार, १०/१०/२०२४)
No comments:
Post a Comment