नजर नजरेला मिळेना
तिच्या मनातले कळेना...||धृ||
तिच्या मनातले कळेना...||धृ||
लहरी वाऱ्यावर लहरे
आवरेना स्वतःला
कसे सावरावे कुणी
घोर इथे या जीवाला
घोर इथे या जीवाला
तिच्या पदराला कळेना...||१||
रेखीव, वळणदार, नाजूक
घोटीव, जीवघेणे झाले
रंगलो अंतरंगी पुरता
काळीज बरबटून गेले
काळीज बरबटून गेले
तिच्या काजळास कळेना...||२||
हरवली मखमालीची
चाहूल तिची मोरपिशी
वणवणता दिन गेला
रात्र ही जाईल कशी?
चित्त कानी साकळले
चित्त कानी साकळले
तिच्या पैंजणास कळेना...||३||
तिच्या पैंजणास कळेना...||३||
- संदीप चांदणे (१०/०९/२०१८)
No comments:
Post a Comment